Um átakið

„Hafðu áhrif“ er átaksverkefni á vegum Menntavísindasviðs Háskóla Íslands. Í átakinu gefst almenningi kostur á að senda inn tilnefningu um kennara sem hefur haft mest áhrif á viðkomandi. Markmiðið er að vekja athygli þjóðarinnar á kennarastarfinu; hversu áhugavert og skemmtilegt það er og hversu mikil áhrif kennarar hafa á einstaklinga og samfélag.

Íslenskt samfélag þarf góða, áhugasama og vel menntaða kennara til starfa í skólum landsins. Unga fólkið okkar er mikilvægasta auðlind landsins. Við verðum að hlúa að þessari auðlind og kennaramenntun er leiðin til að hafa áhrif til framtíðar.

Við hvetjum landsmenn til að taka þátt í þessu átaki með okkur, kalla fram eiginleika sem prýða góða kennara og heiðra þá sem hafa haft jákvæð áhrif á líf þeirra.

Nánari upplýsingar um verkefnið veitir Ingunn Eyþórsdóttir, ingunney@hi.is markaðs- og kynningarstjóri Menntavísindasviðs Háskóla Íslands.

Fyrri verðlaunahafar